قصيدة في حب مصر

موضوع: قصيدة في حب مصر الخميس أبريل 28, 2011 8:44 am

للشاعر المصرى
سيد حجاب
وإحنا فايتين ع [ندعوك للتسجيل في المنتدى أو التعريف بنفسك لمعاينة هذا الرابط]

مستمرين فى الصعود

اختفى النيل الجميل من تحتنا

والمدن .. والريف

وأول عمرنا

وابتدا شىء ينجرح جوة الوجود

وابتدينا أسئلة مالهاش ردود ..

ميلنا ع الشباك نخبى

دمعة فرت مننا ..

بصة من الشباك على البحر البعيد

واحنا رايحين بالامال عالم جديد

كنت فاكرة يامصر انى تعبت منك

واكتشفت انى محال استغنى عنك
حتى دوشة صوت جيرانى

والزحام وحشونى تانى

بسمة حلوة لطفلة لسة صغيرة

لما كنت اديها حتة سكرة

قبل مانسيبك وحشتينا

يامصر ياأمنا ..

[ندعوك للتسجيل في المنتدى أو التعريف بنفسك لمعاينة هذا الرابط]

كنت بتذكر وانا فى غاية الاسى

لعبنا الكورة فى حوش المدرسة

والشقاوة واحنا لسة صغيرين

والبراءة والصحاب الطيبين

لما سألتنى اللى جنبى

انت مصرى؟؟ دق قلبى

اسمى زى السحر رفرف ع المكان

زى نسمة مهفهفة بصوت الادان

أيوة مصريين لآخر كل نقطة فى دمنا

أيوة مصريين لاخر كل نقطة فى دمنا

[ندعوك للتسجيل في المنتدى أو التعريف بنفسك لمعاينة هذا الرابط]

الوجوه من تلج وعيون من ازاز

شوقى زاد للعشرة والناس العزاز

وابتديت اكتب وانا فوق السحاب

ابتديت ياحبيبى فى اول جواب

مصر انتى حتة منى

مش مجرد اسم وطنى

قالوا فاضل نص ساعة ع الوصول

قلت ايه معنى الساعات والا الفصول

الا فى الارض اللى فيها ذكرياتنا وحبنا

الا فى الارض اللى فيها ذكرياتنا وحبنا

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

ر

[ندعوك للتسجيل في المنتدى أو التعريف بنفسك لمعاينة هذه الصورة]

[size=16][ندعوك للتسجيل في المنتدى أو التعريف بنفسك لمعاينة هذا الرابط][/size]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

» قصيدة صداقة
» قصيدة نزار قبانى عن فلسطين(طريق واحد)